Տուն-թանգարաններն այցելելուց հետո պետք է քայլեք դեպի Գորկի փողոց, որը Ձեզ կտանի դեպի Խաղաղության օղակ: Դուք արդեն տեսել եք Բագրատունյաց այգին, Վերածնունդ հուշահամալիրը և ջրահարսի արձանը: Շարունակեք Ձեր ճանապարհը դեպի աջ և կհասնեք Սայաթ-Նովա փողոց:

Այգու ներսում դուք կտեսնոք Արմեն Տիգրանյանի արձանը, որն կանգնեցված է այստեղ 1962թ-ից: Արմեն Տիգրանյանը հայ նշանավոր երգահան է և առաջին օպերայի՝ <<Անուշ>>-ի հեղինակն է , որն առաջին անգամ ցուցադրվել է Ալեքսանդրապոլում 1912թ-ին:

Արմեն Տիգրանյանի կանաչապատ այգում բամբակից պաղպաղակը վայելելուց հետո շարունակեք Ձեր զբոսանքը Սայաթ-Նովա փողոցով և կհասնեք թատերական հրապարակ: Բարձրահասակ եղևնիները կդարձնեն ձեր զբոսանքը ավելի գրավիչ և հաճելի հատկապես արևոտ եղանակին: Այստեղ է գտնվում Վարդան Աճեմյանի անվան դրամատիկական թատրոնը:

Ավետիք Իսահակյանը հայ աշխարհահռչակ գրողներից մեկն է: Նա ծնվել է Ալեքսանդրապոլում 1875թ-ին: Կրթություն ստացել է Էջմիածնի Գևորգյան ճեմարանում, հետո Լայպցիգի համալսարանում, որտեղ ուսումնասիրել է փիլիոսփայություն և մարդաբանություն:

Մհեր Մկրտչյանը նշանավոր հայ դերասան է : Նա ծնվել է Լենինականում 1930թ-ին: Մհոր Մկրտչյանը հռչակավոր հայ դերասաններից է, ով խաղացել է և կինոյում , և թատրոնում:

Հովհաննես Շիրազը հայ հայտնի բանաստեղծ է, ով ծնվել է Գյումրիում: Նրա առաջին աշխատությունը՝ «Աշնան սկիզբ» հրատարակվել է 1935թ-ին:

Ժամանակակից Գյումրու Դրամատիկական թատրոնը հայ հայտնի թատերական ռեժիսոր և դերասան Վարդան Աճեմյանի անվան է, որը գտնվում է Սայաթ-Նովա պողոտայում:  Իր մեծ բակով, Գյումրու գրողների արձաններով, այն համալրում է թատերական հրապարակը:

Ճեմափողոցը կբերի Ձեզ դեպի Գեղարվեստի ակադեմիա և Անկախության հրապարակ: Գեղարվեստի ակադեմիան Գյումրիում Երևանի Գեղարվեստի ակադեմիայի մասնաճյուղ է : Այս կառույցում երկու կրթական հաստատություններ կան` Թատրոնի և Կինոյի Պետական Ինստիտուտը և Երևանի պետական կոնսերվատորիայի Գյումրու մասնաճյուղը: